Adliya vaziri oʻrinbosari “Arabxona” mahallasida ijtimoiy-huquqiy muammolarni oʻrganmoqda
2025-03-25 13:00:00 / Vazirlik yangiliklari
Xabar berganimizdek, adliya vaziri oʻrinbosari A.Karimov Qarshi shahrida Oʻzbekiston Respublikasi Prezidentining F-18-son farmoyishi ijrosi doirasida bahor mavsumiga tayyorgarlik koʻrish, shahardagi obodonlashtirish va koʻkalamzorlashtirish harakatlari va “Kambagʻallikdan farovonlik sari” dasturi doirasida amalga oshirilayotgan ishlarni oʻrganmoqda.
Vazir oʻrinbosari ishchi guruh bilan birgalikda “Arabxona” mahallasida fuqarolar va “yettilik” bilan ochiq muloqot oʻtkazdi, sohaga oid qonunchilik toʻgʻrisida tushuntirishlar berdi.
Shuningdek, ijtimoiy ahvoli ogʻir aholi qatlamining hayotini yaxshilash uchun — chorvachilik va parrandachilikni rivojlantirishda imtiyozli kreditlar taqdim etish, aholiga byudjet yuritish va hokazolar haqida oʻz takliflarini berdi.