O‘zbekiston Respublikasi Adliya vazirligi

✅Birinchi loyiha, ya’ni “O‘zbekiston Respublikasining ayrim qonun hujjatlariga intellektual mulk himoyasini kuchaytirishga qaratilgan o‘zgartirish va qo‘shimchalar kiritish to‘g‘risida”gi O‘zbekiston Respublikasining qonuni loyihasi bilan 4 ta Kodeksga quyidagi o‘zgartirish va qo‘shimchalar kiritilmoqda:

➖mualliflik huquqi va turdosh huquqlarn buzganlik uchun ma’muriy jarima miqdori oshirilmoqda;
➖seleksiya yutug‘iga bo‘lgan huquqni buzganlik uchun ma’muriy javobgarlik kiritilmoqda;
➖patentga oid (ixtiro, foydali model, sanoat namunasi va seleksiya yutug‘i) huquqbuzarliklar sodir etishda foydalanilgan ashyolarni musodara qilish ma’muriy jazo chorasi sifatida kiritilmoqda;
➖adliya organlarining kontrafakt tovarlarni ko‘zdan kechirish va xatlash vakolatlari kiritilmoqda;
➖muallifning shaxsiy nomulkiy huquqlarini buzganlik uchun jinoiy javobgarlik choralari kuchaytirilib, buzilishi javobgarlikka sabab bo‘ladigan intellektual mulk obyektlari doirasi kengaytirilmoqda;
➖intellektual mulk egalarining mulkiy huquqlarini (tovar belgisi, ixtirolar, dasturiy ta’minot, sanoat namunasi va boshqalarga doir huquqlar) buzganlik uchun jinoiy javobgarlik belgilanmoqda;
➖tovar belgisi bo‘yicha ishlab chiqarilgan kontrafakt mahsulotlar huquqbuzar hisobidan muomaladan olib qo‘yilishi va yo‘q qilinishinazarda tutilmoqda.
 

✅Mazkur Qonunning qabul qilinishi milliy qonunchilikni JSTning TRIPS bitimi asosiy talablariga uyg‘unlashtirish ishlarini samarali va tez fursatlarda to‘liq yakunlash, intellektual mulk sohasidagi javobgarlik choralarini kuchaytirish orqali kontrafakt mahsulotlarning aylanmasiga chek qo‘yish va aholining, shu jumladan tadbirkorlik subyektlarining intellektual mulk obyektlarini qonuniy foydalanish bo‘yicha mas’uliyatini va davlatning investitsiyaviy jozibadorligini yanada oshirishga xizmat qiladi.