Urganch shahridagi Najot ta’lim o‘quv markazi faoliyati bilan tanishildi
2025-05-02 16:00:00 / Vazirlik yangiliklari
Najot ta’lim o‘quv markazida dasturlash, dizayn va marketing yo‘nalishlarida yoshlarga ta’lim berilmoqda. Shuningdek, Najot ta’lim o‘quv markazining “Robbit” akademiyasi bilan tanishildi. Mazkur akademiya 8-15 yoshli bolalar uchun robototexnika va IT sohasini o‘rgatishga ixtisoslashgan zamonaviy akademiya hisoblanadi.
Raqamli texnologiyalar vaziri Sh.Shermatov Najot ta’lim o‘quv markazi bilan tanishish davomida o‘quv markazi bitiruvchilarini eksportyor korxonalarga ishga joylashtirish, yoshlarni Coursera kabi xalqaro ta’lim platformalarida o‘qitish va xalqaro IT sertifikatlarni qo‘lga kiritishlariga ko‘maklashish bo‘yicha tavsiyalarini berdi.
Shuningdek, viloyat hududlarida o‘quv markazining filiallarini tashkil etish orqali yoshlarni zamonaviy kasblarga o‘rgatish qamrovini oshirish bo‘yicha takliflar berildi.