Qurilish jarayonida havo ifloslanishi uchun javobgarlik joriy etildi
2025-03-04 13:00:00 / Yangiliklar
Ma’lumot uchun, mazkur Qonun avvalroq Oliy Majlis Senatida senatorlar tomonidan ma’qullangan edi.
Qonunga ko’ra, o‘lchami besh yuz kvadrat metr va undan ortiq bo‘lgan qurilish maydonida, unga tutash bo‘lgan hududda hamda undan chiqish yo‘llarida chang va qum zarrachalarining havoga ko‘tarilishini bartaraf etishga doir majburiy talablarni buzish yoxud ushbu hududlarda ifloslantiruvchi moddalarning yo‘l qo‘yiladigan doiradagi normativlardan ortiq darajada atmosfera havosiga chiqarilishiga yo‘l qo‘yish:
-mansabdor shaxslarga BHMning 10 baravari (3 mln 750 ming so‘m) miqdorida jarima solishga sabab bo‘ladi.
Xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilsa:
-mansabdor shaxslar BHMning 50 baravari (18 mln 750 ming so‘m) miqdorida jarimaga tortiladi.
Qonun rasmiy e’lon qilingan kundan e’tiboran 3 oy o‘tgach kuchga kiradi.