Samarqandda tabiatga 137 milliard so‘mdan ortiq zarar yetkazildi
2025-05-13 16:00:00 / Yangiliklar
Reyd davomida daryo hududida “M.T.” fermer xo‘jaligi vakillari tomonidan ekskavator va yuk mashinalari vositasida hech qanday ruxsatnomasiz noqonuniy ravishda qum-shag‘al aralashmasi qazib olingani aniqlandi.
Natijada “Tabiatni muhofaza qilish to‘g‘risida”gi qonunning 18-moddasi hamda “Yer osti boyliklari to‘g‘risida”gi qonunning 35-moddasi talablari buzilgan. Tabiatga 137 milliard 472 million 370 ming 649 so‘m zarar yetkazilgan.
Holat yuzasidan ekskavator va ikkita yuk tashuvchi transport vositasi jarima maydoniga joylashtirildi. Shunungdek, to‘plangan hujjatlar holatga huquqiy baho berish va chora ko’rish maqsadida Bosh prokuraturaga yuborildi.
Unutmang!
O‘zbekiston Respublikasi qonunchiligida noqonuniy qum-shag’al qazib olish bilan bog‘liq huquqbuzarliklarga nisbatan qat’iy jazo choralari belgilangan. Bunda huquqbuzarlar tegishli tartibda ma’muriy va jinoiy javobgarlikka tortiladi!