Navoiy davlat universiteti Kuzatuv kengashining ilk yig‘ilishi o‘tkazildi
2025-01-18 15:00:00 / Vazirlik yangiliklari
Yig‘ilish davomida Kuzatuv kengashi reglamenti, Nizomi va 2025-yilga mo‘ljallangan ish rejasi muhokama qilinib, tasdiqlandi. Shuningdek, universitet ustavi, tashkiliy tuzilmasi va yangi tashkil etilgan “Registrator ofisi” hamda “Transformatsiya markazi” kabi muhim tarkibiy tuzilmalarning faoliyatini boshlashga oid qarorlar qabul qilindi.
Universitet rektori vazifasini vaqtinchalik bajaruvchi etib Kalonov Muhiddin Bahriddinovich tayinlandi. Universitetni zamonaviy, innovatsion talablarga javob beradigan ta’lim va ilmiy markazga aylantirish uchun xalqaro hamkorlikni kuchaytirish, laboratoriya bazasini rivojlantirish va professor-o‘qituvchilarning malakasini oshirish kabi strategik vazifalar belgilandi.
Mazkur yig‘ilish universitetning yangi bosqichga o‘tishida, universitetning ustuvor yo‘nalishlari hamda rivojlanish strategiyasini belgilashda muhim qadam bo‘ldi. Kuzatuv kengashi o‘z faoliyatini jamoatchilik nazorati asosida samarali davom ettirishga tayyor ekanligini ma’lum qildi.