“Kelajakka qadam” markazi va oliy taʼlim tashkilotlari oʻrtasida hamkorlik yoʻlga qoʻyilmoqda
2025-02-27 15:05:00 / Vazirlik yangiliklari
27-fevral kuni mazkur vazifalar ijrosini taʼminlash maqsadida Oliy taʼlim, fan va innovatsiyalar vazirligi, “Tashqi iqtisodiy faoliyat milliy banki” AJ hamda Andijon viloyatidagi oliy taʼlim tashkilotlari oʻrtasida “Kelajakka qadam” dasturi doirasida bitiruvchi talabalarning bandligini taʼminlash va ularning mehnat bozoriga muvaffaqiyatli integratsiyasini qoʻllab-quvvatlashga qaratilgan uchrashuv oʻtkazildi.
Uchrashuvda yoshlar tadbirkorligini qoʻllab-quvvatlash maqsadida uchta muhim hujjat imzolandi. Ulardan biri – “Oliy taʼlim tashkilotlari bitiruvchilarining ishga joylashishiga koʻmaklashish boʻyicha qoʻshimcha chora-tadbirlar toʻgʻrisida”gi qaror boʻlib, ushbu qaror asosida “Kelajakka qadam” dasturini amalga oshirish va yoshlarning kasbiy rivojlanishiga koʻmaklashish, ularni zamonaviy mehnat bozori talablariga mos malaka va koʻnikmalar bilan taʼminlashga yoʻnaltirilgan.
“Kelajakka qadam” markazining Andijondagi hududiy boʻlinmasi Andijon davlat universitetida tashkil etildi.
Markaz faoliyati davomida yoshlarning kasbiy rivojlanishiga koʻmaklashish, ularni zamonaviy mehnat bozori talablariga mos malakali kadr qilib tayyorlash, shuningdek, amaliy tajriba orttirish, stajirovka va ish bilan taʼminlash boʻyicha keng imkoniyatlar yaratiladi. Bu markaz talabalar uchun oʻzlarining kasbiy va shaxsiy rivojlanishlarini amalga oshirishda yordam beradi va ularning jamiyatda faol hamda masʼuliyatli fuqaro boʻlib voyaga yetishishiga turtki boʻladi.