O‘zbekiston Respublikasi Oliy taʼlim, fan va innovatsiyalar vazirligi

Yig‘ilishda korrupsiyaning oldini olish va kelgusi profilaktik choralarni amalga oshirish masalalari muhokama qilinib, oliy ta’lim sohasida korrupsiyadan xoli muhitni yaratish bo‘yicha amalga oshirilgan ishlar tanqidiy ko‘rildi. Vazirlik va prokuratura rahbarlari birgalikda oliy ta’lim muassasalaridagi korrupsion holatlarni tezkor aniqlash, tekshiruv ishlarini mustahkamlash va tizimli profilaktika mexanizmlarini joriy etish yo‘nalishidagi chora-tadbirlarni ko‘rib chiqishdi.

Shuningdek, oliygohlarda mavjud korrupsiya holatlarning sabablari, ularning ta’siri va bu muammoni bartaraf etishdagi ilg‘or amaliyotlar bo‘yicha fikr almashildi. Ta’lim maskanlarida ochiqlikni ta’minlash, axborot tizimlarini modernizatsiya qilish va ichki nazorat mexanizmlarini kuchaytirish masalalari ham ko‘rildi.

Muhokama davomida oliy ta’lim muassasalarining korrupsiyaga qarshi kurashish salohiyatini yanada oshirish va Komplayens-nazorat xodimlari malakasi hamda mas’uliyatini kuchaytirishga qaratilgan strategik choralar belgilab olindi.

Uchrashuv so‘ngida ishtirokchilar kelgusi ishlar uchun tavsiyalar va takliflarni ishlab chiqish, tizimli ravishda monitoring o‘tkazish va shaffoflikni ta’minlash bo‘yicha ilg‘or tajribalarni joriy etishga kelishib oldilar.