Oliy ta’lim, fan va innovatsiyalar vazirligi Hay’at yig‘ilishi
2025-03-14 11:05:00 / Reja va tadbirlar
2025-yil 15-mart kuni Jizzax shahridagi Jizzax politexnika institutida Oliy taʼlim, fan va innovatsiyalar vazirligining navbatdagi Hayʼat yigʻilishi oʻtkaziladi.
👥 Unda Oliy taʼlim, fan va innovatsiyalar vazirligi hamda tizim tashkilotlari mutasaddilari, barcha oliy taʼlim tashkilotlari rahbarlari, vazirlik huzuridagi Jamoatchilik kengashi aʼzolari ishtirok etadi.
Shuningdek, institut hududida “Yashil makon” umummilliy loyihasi doirasida “Ziyolilar bogʻi”da koʻchat ekish marafoniga start beriladi.
Yig‘ilish qatnashchilari muqobil energiya manbalarini tadqiq etish ilmiy-amaliy markazi va Jizzax yoshlar texnoparki faoliyati bilan tanishtiriladi.
Kun yakunida esa “BYD Uzbekistan” va “ADM Jizzakh” korxonalarida dual ta’lim jarayonlarini namoyish etish rejalashtirilgan.