Oliy ta’lim, fan va innovatsiyalar vaziri SamDAQU yangi binosiga tashrif buyurdi
2025-03-21 17:00:00 / Vazirlik yangiliklari
Oliy ta’lim, fan va innovatsiyalar vaziri Qo‘ng‘irotboy Sharipov Mirzo Ulug‘bek nomidagi Samarqand davlat arxitektura-qurilish universitetining yangi qurilayotgan binosiga tashrif buyurdi.
Tashrif davomida yangi binoda professor-o‘qituvchilar va talabalar uchun yaratilayotgan qulayliklar, zamonaviy o‘quv xonalari hamda laboratoriyalar ko‘zdan kechirildi.
Shuningdek vazir talabalar turar joyida bo'lib, akademik almashinuv dasturi doirasida SamDAQUda ta'lim olayotgan Tojikiston Respublikasining M.S. Osimi nomidagi Tojikiston texnika universiteti talabalari bilan suhbatlashdi.
Qo‘ng‘irotboy Sharipov tomonidan ilg‘or muhandislik maktablarini takomillashtirish va ilmiy-innovatsion loyihalarni kengroq joriy etish bo‘yicha tegishli topshiriqlar berildi. Ushbu topshiriqlar universitetni yanada rivojlantirish va ta’lim tizimini zamonaviylashtirishga qaratilgan.