O‘zbekiston Respublikasi Oliy taʼlim, fan va innovatsiyalar vazirligi

Mazkur bosqichda o‘rta maxsus va kasbiy ta’lim muassasalari jamoalari o‘zaro bellashib, ekologik qonunchilik, atrof-muhitni muhofaza qilish hamda barqaror rivojlanish bo‘yicha o‘z bilim va ko‘nikmalarini sinovdan o‘tkazdilar.  

Tanlov yakunlariga ko‘ra, Buxoro davlat tibbiyot instituti akademik litseyining iqtidorli o‘quvchilaridan iborat “Gekkel izdoshlari” jamoasi faxrli birinchi o‘rinni egalladi. Xorazm viloyati Yangibozor tumani 2-son politexnikumining “Yashil voha” jamoasi ikkinchi o‘ringa loyiq deb topildi. Toshkent viloyati Yuqori Chirchiq tumani politexnikumi jamoasi esa kuchli uchlikdan joy oldi.  

G‘olib jamoalar qimmatbaho sovg‘alar va pul mukofotlari bilan taqdirlandilar.

Shuningdek, tanlov doirasida ishtirokchilar tabiatni asrashga bo‘lgan e’tibor va amaliy faollikni kuchaytirish maqsadida “Yosh ekologlar” bog‘iga daraxt ko‘chatlari ekishdi. Ekologik madaniyatni oshirish va milliy meros bilan yaqindan tanishish maqsadida viloyatning ko‘hna tarixiy obidalari bo‘ylab sayohat tashkil etildi.  

Mazkur tanlov ekologik ong va mas’uliyatni oshirishga xizmat qilib, yoshlarni atrof-muhitni muhofaza qilishga yanada faol jalb etishga turtki bo‘ldi.