O‘zbekiston Respublikasi Oliy taʼlim, fan va innovatsiyalar vazirligi

Musobaqalarda 15 dan ziyod oliy ta’lim muassasalari talabalari, harbiy qism kursantlari hamda turli yoshdagi yoshlardan iborat 200 nafardan ortiq ishtirokchi qatnashmoqda.

Bellashuvlar quyidagi uch yo‘nalishda o‘tkazilmoqda:

• Drone Racing* – bu yo‘nalishda qatnashchilar o‘z dronlari orqali tezlik va boshqaruv mahoratini namoyon etadilar. Belgilangan yo‘nalish bo‘ylab to‘siqlarni yengib o‘tish va marraga eng qisqa vaqtda yetib borish asosiy maqsad hisoblanadi. Bu musobaqa dron operatorlarining amaliy ko‘nikmalarini mustahkamlash va innovatsion yechimlarni amaliyotda qo‘llashga yo‘naltirilgan.

• Havo jangi – O‘zbekiston Respublikasi Mudofaasiga ko‘maklashuvchi "Vatanparvar" tashkiloti hamkorligida tashkil etilgan ushbu musobaqa qatnashchilardan strategik fikrlash, aniq boshqaruv va taktik yondashuv talab qiladi. Qatnashchilar raqib droni tasmasini kesish va havodagi muvozanatni saqlagan holda maksimal ball to‘plash uchun kurash olib borishadi. Bellashuv natijalariga ko‘ra "Eng mohir uchuvchi" nominatsiyasi sohibi aniqlanadi.

• Raketa modellashtirish – muhandislik va aerodinamikaga qiziquvchi yoshlar uchun mo‘ljallangan ushbu musobaqada ishtirokchilar o‘zlari loyihalagan va yig‘gan raketalarni uchirish orqali texnik bilim va ko‘nikmalarini namoyon etadilar. Raketalarning uchish balandligi, barqarorligi va texnik yechimlari maxsus hakamlar tomonidan baholanadi. Bu yo‘nalish yosh muhandislar uchun nazariy bilimlarni amaliyotda sinovdan o‘tkazish imkonini yaratadi.

Musobaqa doirasida havo texnologiyalari bo‘yicha seminar va treninglar, turli yosh toifalari uchun mahorat darslari, texnologiya va aeronavtika sohalaridagi ko‘rgazmalar  ham o‘tkazilmoqda.

Bellashuv g‘oliblari qimmatbaho sovrinlar va homiylar tomonidan tayyorlangan maxsus sovg‘alar bilan taqdirlanadi.