O‘zbekiston Respublikasi Oliy taʼlim, fan va innovatsiyalar vazirligi

Xalqaro miqyosdagi ushbu nufuzli anjumanda MDHga aʼzo mamlakatlarning ilm-fan va innovatsiyalar sohasida faoliyat yurituvchi vazirlik va idoralari, oliy taʼlim muassasalari hamda ilmiy-tadqiqot markazlari vakillari ishtirok etdi.

Forumni Oʻzbekiston Respublikasi Oliy taʼlim, fan va innovatsiyalar vaziri Qoʻngʻirotboy Sharipov hamda MDH Ijroiya qoʻmitasi Bosh kotibi oʻrinbosari Denis Trefilov ochib berdi. Tadbirda, shuningdek, Tojikiston, Rossiya, Qozogʻiston va Qirgʻiziston davlatlaridan kelgan rasmiylar, jumladan, vazir oʻrinbosarlari, innovatsiya agentliklari rahbarlari va sohaviy mutaxassislar qatnashdi.

Forum panel muhokamalar formatda oʻtkazilib, unda mintaqada innovatsion ekotizimlarni rivojlantirish, startaplar va kichik biznesni qoʻllab-quvvatlash, texnologiyalar sohasida transchegaraviy hamkorlikni kengaytirish, sunʼiy intellektni joriy etish va turli tarmoqlarda raqamli transformatsiya strategiyalarini ishlab chiqish kabi dolzarb yoʻnalishlar muhokama qilindi.

Tadbir ishtirokchilari innovatsion siyosat sohasida tajriba va gʻoyalar bilan oʻrtoqlashib, kelgusidagi oʻzaro hamkorlikni mustahkamlash masalalari yuzasidan kelishuvlarga erishdilar. Forum MDH davlatlari oʻrtasida innovatsion hamkorlikni yangi bosqichga olib chiqishda muhim qadam boʻldi.