"Xitoy—Markaziy Osiyo" taʼlim vazirlari birinchi yigʻilishi boʻlib oʻtdi
2025-05-13 11:20:00 / Vazirlik yangiliklari
Qongʻirotboy Sharipov oʻz nutqida mamlakatimizda oliy taʼlim tizimida amalga oshirilayotgan islohotlar, ilmiy-taʼlim sohasida xalqaro hamkorlikni kuchaytirish borasidagi ustuvor yoʻnalishlar haqida soʻz yuritdi. Shuningdek, Oʻzbekiston bilan Xitoy oʻrtasida taʼlim va ilm-fan sohasidagi oʻzaro manfaatli munosabatlar yangi bosqichga koʻtarilayotgani qayd etildi.
Yigʻilish yakunida qator muhim xalqaro hujjatlar qabul qilindi va yangi tashabbuslar eʼlon qilindi. Jumladan, taʼlim sohasidagi oʻzaro hamkorlikni institutsionallashtirish, oʻqituvchilar malakasini oshirish, ilmiy-tadqiqot ishlarini hamjihatlikda amalga oshirish va kadrlar tayyorlashda ishlab chiqarish bilan integratsiyani kengaytirish kabi yoʻnalishlarda aniq kelishuvlarga erishildi. Shuningdek, Xitoy va Markaziy Osiyo mamlakatlari oʻrtasidagi taʼlim muassasalari oʻrtasida hamkorlik memorandumlari imzolandi, qoʻshma laboratoriyalar va ilmiy markazlar oʻrtasida hamkorlikni yoʻlga qoʻyish yuzasidan muhim qadamlar qoʻyildi.