O‘zbekiston Respublikasi Oliy taʼlim, fan va innovatsiyalar vazirligi

Tadbirda Oliy ta’lim, fan va innovatsiyalar vaziri o‘rinbosari Otabek Mahkamov, Ta’lim sifatini ta’minlash milliy agentligi direktori Adham Xudoyqulov, Ijtimoiy himoya milliy agentligi direktori o’rinbosari Usmon Sharifxo’jayev, 20ga yaqin oliy ta’lim muassasalari rahbarlari, tadqiqotchilar, ta’lim siyosati bo‘yicha mutaxassislar, shuningdek, Buyuk Britaniya akademik hamjamiyati, tegishli tashkilotlar va universitetlar vakillari ishtirok etdi.

Ikki kun davomida forum ishtirokchilari O‘zbekiston, Buyuk Britaniya va xalqaro miqyosda oliy ta’limni rivojlantirishning asosiy ustuvor yo‘nalishlarini muhokama qildilar. Davlat ta’lim siyosati, innovatsion amaliyotlar va institutsional hamkorlikning universitetlar va sanoat o‘rtasidagi hamkorlik, bitiruvchilar bandligini oshirish va ta’lim muhitidagi barqaror o‘zgarishlar, xalqaro hamkorlik doirasida inklyuziv oliy ta’limni kengaytirish masalalari muhokama markazida bo‘ldi.

Forum Londonning South Bank va Vestminster universitetlari hududida bo‘lib o‘tib, ishtirokchilarga jonli muloqot shaklida tajriba almashish, professional aloqalarni yo‘lga qo‘yish va ta’lim siyosatini rivojlantirish vektorlarini birgalikda belgilash imkonini berdi.

Forum yakunida talabalar va professor-o‘qituvchilar uchun imkoniyatlarni kengaytirish, akademik almashinuv dasturlarini rivojlantirish, qo‘shma ilmiy loyihalarni amalga oshirish, ikki mamlakat oliy ta’lim muassasalari o‘rtasida o‘zaro anglashuv va hamkorlik to‘g‘risida yangi memorandumlar tuzildi, shuningdek, zamonaviy, inklyuziv va raqobatbardosh oliy ta’lim tizimini shakllantirishga qaratilgan barqaror sheriklik mexanizmlarini yaratishga kelishib olindi.