O‘zbekiston Respublikasi Oliy taʼlim, fan va innovatsiyalar vazirligi

Unda Oliy ta’lim, fan va innovatsiyalar vaziri Qo‘ng‘irotboy Sharipov, Bektemir tumani hokimi Nurilla Abdurahmonov, bir qator oliy ta’lim muassasalari rahbarlari hamda tegishli tashkilot va idoralar vakillari ishtirok etdi.

Yig‘ilishda Prezident tashabbusi bilan boshlangan “Dolzarb 90 kun” loyihasi doirasida aholi, ayniqsa, o‘quvchi va yoshlarning yozgi ta’til davrida bo‘sh vaqtlarini samarali tashkil etish, ularning qiziqish va iste’dodlarini rivojlantirishga qaratilgan faoliyat turlarini kengaytirish masalalari muhokama qilindi. Vazir Qo‘ng‘irotboy Sharipov yoshlarimiz uchun turli sport, fan-texnika va madaniy-tarixiy tadbirlarni tashkil etish zarurligini alohida ta’kidladi.

Vazir Q. Sharipov bolalar uchun robototexnika va xorijiy tillarni o‘rganish yo‘nalishida to‘garaklar tashkil etish bo‘yicha Toshkent axborot texnologiyalari universiteti va O‘zbekiston jahon tillari universiteti rektorlariga aniq topshiriqlar berdi.

Yig‘ilish yakunida mas’ul tashkilot va idoralarga o‘quvchi va uyushmagan yoshlar uchun 30 dan ortiq fan-texnika, ijodiy va sport yo‘nalishidagi to‘garaklarini faollashtirish, sohadagi mutaxassislarni jalb qilish hamda loyihaning samaradorligini muntazam monitoring qilish bo‘yicha vazifalar belgilab berildi.