O‘quvchilarning bo‘sh vaqti qanday tashkil etilgan?: vazir o‘rinbosari Ohangarondagi to‘garaklar faoliyatini ko‘zdan kechirdi
2025-06-13 17:05:00 / Vazirlik yangiliklari
13-iyun kuni Oliy ta’lim, fan va innovatsiyalar vaziri o‘rinbosari Sarvarxon Buzrukxonov hamda viloyat boshqarmasi boshlig‘i Nasiba Kulbekova Ohangaron tumanidagi 1- va 2-son politexnikumlarda bo‘lib, tashkil etilgan to‘garaklar faoliyati bilan tanishdi.
Mazkur ikki ta’lim muassasasida 15 tadan jami 30 ta to‘garak tashkil etilgan bo‘lib, ularga 500 ga yaqin o‘quvchi jalb etilgan. Tanishuv davomida bu to‘garaklarning yo‘nalishlari, o‘quvchilarning qatnashuv faolligi, kasbiy ko‘nikmalarni shakllantirishdagi roli va samaradorligi o‘rganildi.
Shuningdek, Sarvarxon Buzrukxonov to‘garak a’zolari bilan bevosita muloqotda bo‘lib, ularning qiziqishlari va takliflarini tingladi.
Mutasaddilar tomonidan to‘garaklar faoliyatini takomillashtirish, qamrovini kengaytirish va mavjud imkoniyatlardan to‘liq foydalanish bo‘yicha tavsiyalar berildi.