DEBSEUz: Loyiha doirasida navbatdagi tajriba almashinish tadbirlari Ispaniyada o‘tkazildi
2025-06-16 17:20:00 / Vazirlik yangiliklari
Tadbir davomida ishtirokchilar UPMning zamonaviy texnik infratuzilmasi, quyosh energiyasidan foydalanishga oid ilg‘or texnologiyalar, ekologik barqarorlik va quyosh panellarini qayta ishlashga doir amaliy seminarlar hamda ma’ruzalarda ishtirok etdilar.
Tajriba almashinuvida Yevropaning yetakchi oliy ta’lim muassasalari: Politecnico di Torino (Italiya), Universidade de Évora (Portugaliya), UPM (Ispaniya) hamda O‘zbekistonning bir qator nufuzli universitetlari: Toshkent axborot texnologiyalari universiteti, Toshkentdagi Turin politexnika instituti, Jizzax politexnika instituti, Farg‘ona davlat texnika universiteti, Andijon davlat universiteti, TIQXMMI Milliy tadqiqot universiteti va Qoraqalpog‘iston davlat universiteti vakillari faol qatnashdilar.
Mazkur bosqich doirasida yangi bakalavriat kurslarini ishlab chiqish va akkreditatsiyadan o‘tkazish, qisqa muddatli o‘quv kurslarini tashkil etish, zamonaviy laboratoriyalar va trening markazlarini yo‘lga qo‘yish, loyiha boshqaruvi va sifat monitoringi bo‘yicha tajriba almashildi.
Shuningdek, Toshkentdagi Turin politexnika universiteti vakillari Universidad Politécnica de Madrid rahbariyati bilan uchrashuv o‘tkazib, qo‘shma ta’lim va akademik almashinuv dasturlarini yo‘lga qo‘yish yuzasidan kelishuvga erishdi. Uchrashuv yakunida tomonlar o‘zaro anglashuv memorandumi (MoU) imzolashga kelishib oldilar.