Shanxay hamkorlik tashkilotiga aʼzo davlatlarning ekspertlari yigʻilishida ishtirok etildi
2025-04-08 15:30:00 / Yangiliklar
Bugun Shanxay hamkorlik tashkilotiga aʼzo davlatlarning huquqni muhofaza qilish faoliyati va narkojinoyatlarni oldini olish boʻyicha ekspertlar ishchi guruhining onlayn yigʻilishi boʻlib oʻtdi.
Tadbirda Milliy markaz va huquqni muhofaza qilish idoralari masʼul vakillari ishtirok etdilar.
Uchrashuvda mutaxassislar giyohvandlik vositalarining noqonuniy muomalasiga qarshi kurashish boʻyicha tashkilotga aʼzo mamlakatlarning huquqni muhofaza qilish amaliyoti hamda ushbu yoʻnalishda amalga oshirilgan ishlar yuzasidan oʻzaro tajriba almashdilar.
Yigʻilish yakunida ishchi guruh vakillari narkotiklarning noqonuniy muomalasiga va suiisteʼmoliga qarshi kurashish borasida hamkorlikni yanada kuchaytirishga kelishib oldilar.
Oʻzbekiston Respublikasi Narkotiklarni nazorat qilish milliy markazi