Ichki ishlar vazirligi rahbariyati tomonidan Buxoro viloyati IIB va uning kuyi tizimlaridagi amalga oshirilayotgan ishlari bilan yaqindan tanishildi
2025-04-15 14:00:00 / Yangiliklar
Ichki ishlar vazirligi rahbariyati tomonidan Buxoro viloyatiga tashrifi doirasida jinoyatchilik va huquqbuzarliklarning oldini olish boʻyicha “Mahalla yettilik” tomonidan hamkorlikda olib borilayotgan ishlar bilan yaqindan tanishish maqsadida, viloyat hududlaridagi bir qator IIOlarining faoliyati bilan yaqindan tanishdi.
Xususan, Buxoro viloyati IIB Tezkor vazifalarni bajarish safarbarlik otryadi, jamoat xavfsizligi xizmati, jamoat tartibini saqlash xizmati patrul post xizmati batalyoni xodimlari bilan uchrashib, huquqbuzarlik va jinoyatning oldini olish borasidagi koʻrilgan xavfsizlik chora-tadbirlari, shuningdek, amalga oshirilayotgan ishlar bilan yaqindan tanishildi.
Viloyatning Vobkent, Shofirkon, Peshku, Romitan tumanlaridagi IIB faoliyati atroflicha kuzdan kechirilib, jinoyat qidiruv, tergov-tezkor guruhlari va profilaktika inspektori, inspektor-psixolog va mahalla yettiligining amalga oshirilgan ishlari atroflicha tahlil qilinib, amalga oshirilish lozim boʻlgan ishlar, fuqarolar va aholi xavfsizligini taʼminlash, hududlarda jinoyat va huquqbuzarliklarning barvaqt oldini olish borasida aniq vazifalar belgilab berildi.
Buxoro viloyati IIB Axborot xizmati