IIV Qorovul qoʻshinlari qoʻmondoni polkovnik Xasan Batirov Toshkent shahrida joylashgan qoʻshinga qarashli 7534 harbiy qismga tashrif buyurdi
2025-04-16 11:45:00 / Yangiliklar
Tashrif avvalida qoʻshin qoʻmondoni nutq soʻzlarkan barcha shaxsiy tarkib xizmat burchlarini vijdonan bajarishlari, oʻz zimmalariga yuklatilgan masʼuliyatli va sharafli vazifalarni hech qachon eslaridan chiqarmasliklari, xizmat faoliyatida shaxsiy namuna boʻlishlari hamda harbiy intizom va qonunchilikka qatʼiy rioya qilishlari xususida zaruriy tavsiyalarini bildirib oʻtdi.
Shundan soʻng sohada uzoq yillar davomida namunali xizmat qilib kelgan bir guruh harbiy xizmatchilarni nafaqaga kuzatish tadbiri ham boʻlib oʻtdi, harbiy xizmatchilarga yuksak ehtirom koʻrsatilib ularning kelgusi hayotida omad va muvaffaqiyatlar hamroh boʻlishi taʼkidlandi.
Shuningdek, tashrif yakunida harbiy qismda amalga oshirilayotgan ishlar yuzasidan hisobotlar tahlil qilinib, yuqori rahbariyat tomonidan mansabdorlarga bir qator muhim vazifalar belgilab berildi.
IIV Qorovul qoʻshinlari qoʻmondonligi axborot guruhi