Ichki ishlar vazirligining “Xavfsiz shahar” tizimlarini rivojlantirish markazi xodimlari uchun huquqiy oʻquv soatlari oʻtkazilmoqda
2025-04-18 09:00:00 / Yangiliklar
“Xavfsiz shahar” tizimlarini rivojlantirish markazi xodimlari uchun “Oʻzbekiston — 2030” strategiyasini amalga oshirish, “Shaxsga doir maʼlumotlar toʻgʻrisida”gi Qonun — “Xavfsiz shahar” tizimida shaxsga doir maʼlumotlar bilan ishlashning huquqiy asoslari» va “Xotin-qizlar va erkaklar uchun teng huquq hamda imkoniyatlar kafolatlari toʻgʻrisida”gi Qonunning mazmuni va amaliyotdagi ahamiyati» mavzulariga bagʻishlangan huquqiy oʻquv soatlari boʻlib oʻtdi.
Unda markazning boʻlim boshliqlari va barcha xodimlar qatnashdi.
Oʻquv soati davomida Qonunning mazmun-mohiyati va asosiy yoʻnalishlari, shaxsga doir maʼlumotlarga ishlov berish shartlari, biometrik maʼlumotlar bilan ishlashning oʻziga xos xususiyatlari, shuningdek “Xavfsiz shahar” konsepsiyasi va shaxsga doir maʼlumotlar toʻgʻrisidagi qonunchilik talablari oʻrtasidagi bogʻliqlik haqida batafsil maʼlumot berildi.
Mashgʻulot yakunida markaz xodimlarining kundalik ishida yuzaga keladigan dolzarb masalalar muhokama qilindi.
Ichki ishlar vazirligining “Xavfsiz shahar” tizimlarini rivojlantirish markazi