IIV Qorovul qoʻshinlari qoʻmondonligiga qarashli Birlashgan dala oʻquv markazida jangovar quroldan oʻq otish sport turi boʻyicha “Qoʻshin birinchiligi” musobaqasi boʻlib oʻtdi
2025-04-20 08:30:00 / Yangiliklar
Oʻzbekiston Respublikasi Prezidentining 2020-yil 30-oktyabrdagi “Sogʻlom turmush tarzini keng tatbiq etish va sportni yanada rivojlantirish” chora tadbirlari toʻgʻrisidagi PF-6099-son farmoni talablariga asosan va “Dinamo” jismoniy sport jamiyati kengashining joriy yil davomida sport tadbirlarining kalendar rejasiga muvofiq tashkil etilgan ushbu bellashuvlarda, qoʻshin miqyosidagi boʻlinma va harbiy qismlar terma jamoalari ishtirokchilari yakkalik va umum jamoa hisobida bahslarga kirishdi.
Umumiy natijalarga koʻra, yakkalik bahslari boʻyicha 7534 harbiy qismdan II-darajali serjant Sardor Musayev, 7533 harbiy qismdan III-darajali serjant Murod Oltiyev va 7531 harbiy qism III-darajali serjant Oybek Ashurovlar eng yuqori ballar toʻplagan holda shohsupaning yuqori pogʻonalaridan joy egallashgan boʻlsa, umumjamoa hisobida esa gʻoliblikni 7531 harbiy qism jamoasi qoʻlga kiritdi, keyingi oʻrinlarni mos ravishda 7534 harbiy qism va qoʻmondonlik terma jamoalari egallashdi. Gʻolib va sovrindorlarga diplom va esdalik sovgʻalari topshirildi.
Taʼkidlash joizki, bu kabi musobaqalar harbiy xizmatchilar orasida sportni ommalashtirish va jangovar tayyorgarlikni oshirishga qaratilgani bilan ahamiyatlidir.
IIV Qorovul qoʻshinlari qoʻmondonligi axborot guruhi