Ichki ishlar vazirligi Malaka oshirish instituti delegatsiyasi xalqaro ilmiy-amaliy konferensiyada ishtirok etdi
2025-04-22 23:45:00 / Yangiliklar
Ichki ishlar vazirligi Malaka oshirish instituti delegatsiyasi Tojikistonning Dushanbe shahrida boʻlib oʻtgan “Huquqshunoslik ilmi va amaliyoti” mavzusidagi ilmiy-amaliy xalqaro konferensiyada ishtirok etdi.
Tadbir Tojikiston Respublikasi Ichki ishlar vazirligi Akademiyasi tomonidan tashkil etildi. Anjumanda Qirgʻiziston IIV Akademiyasi, Rossiya IIV Boshqaruv Akademiyasi, Ural yuridik instituti, Ufimsk yuridik instituti, Orlovsk yuridik instituti, Rossiya Federatsiyasi Tergov qoʻmitasining Moskva akademiyasi, shuningdek Tojikiston Respublikasining oliy taʼlim muassasalari va ilmiy-tadqiqot institutlari ishtirok etdi.
Konferensiya huquqshunoslik fani tarixi, uning rivojlanishida oʻz hissalarini qoʻshgan olimlar, zamonaviy huquqshunoslik ilmi, huquqni qoʻllash faoliyatining dolzarb masalalari, huquqiy ong va huquqiy madaniyatni yuksaltirish hamda huquqiy tarbiyaga salbiy taʼsir koʻrsatuvchi omillarga nisbatan huquqiy immunitetni shakllantirish masalalariga bagʻishlandi.