Qashqadaryo viloyati ichki ishlar boshqarmasida “Uch avlod uchrashuvi” boʻlib oʻtdi
2025-04-24 16:00:00 / Yangiliklar
Ichki ishlar organlarida “Xalqimizning xavfsizligi, tinchligi va osoyishtaligini saqlash eng ustuvor vazifamiz!” shiori ostida oʻtkazilayotgan “Maʼnaviyat oyligi” doirasida Qashqadaryo viloyati ichki ishlar boshqarmasida “Uch avlod uchrashuvi” boʻlib oʻtdi.
Uchrashuvda Viloyat IIB rahbariyati, tarkibiy boʻlimlari va sohaviy xizmatlar xodimlari, faxriylar kengashi aʼzolari, Qoʻriqlash xizmati xodimlari va yoshlar ishtirok etishdi.
“Uch avlod uchrashuvi” da soʻz olganlar har bir xodimda Vatanga, yurtga muhabbat, kasbga sadoqat tuygʻularini shakllantirish, ularni shu ruhda tarbiyalash, ijtimoiy-huquqiy himoya qilish, kasbiy jangovarligini oshirish, xizmat intizomi buzilishini oldini olish, korrupsiya holatlariga murosasiz boʻlish xususida fikr-mulohazalar bildirishdi.
Shuningdek, shaxsiy tarkibning xizmat intizomi va qonunchilikka rioya etishi, maʼnaviy- maʼrifiy bilimi, fuqarolar bilan xushmuomalada boʻlishi xususida ham taklif va tavsiyalar berildi.
Uch avlod uchrashuvida soʻz olgan faxriylar yosh xodimlarni halollikka, fidoiylikka, vatanparvarlikka chorlab, oʻz hayotiy tajribalarini soʻzlab berdilar.
Tadbir yoshlarning Vatanparvarlik tuygʻulari, kasbga sadoqati va maʼnaviy dunyoqarashini boyitdi.
Qashqadaryo viloyati IIB Axborot xizmati