Ichki ishlar vazirligi rahbariyati tomonidan Toshkent mintaqasidagi transportda xavfsizlikni taʼminlash boshqarmasi xodimlarining xizmat faoliyati koʻzdan kechirildi
2025-04-27 09:00:00 / Yangiliklar
Ichki ishlar vaziri oʻrinbosari general-mayor Baxodir Yuldashevich Mirzaraximov Toshkent mintaqasidagi transportda xavfsizlikni taʼminlash boshqarmasi xodimlarining xizmat faoliyati yaqindan koʻzdan kechirilib, xodimlariga transport obyektlarida baxtsiz hodisalarning barvaqt oldini olish, xususan vokzal ishchilari, yoʻlovchi fuqarolar oʻrtasida huquqbuzarlik va jinoyatlarning oldini olish va ularning profilaktikasi, jamoat tartibini saqlash, fuqarolar hushyorligi va ogohligini oshirish hamda xodimlar oʻrtasida ijro intizomi, qonunchilik talablariga qatʼiy rioya qilishlari, Yoʻlovchilar xavfsizligini taʼminlash, Terroristik tahdidlar va noqonuniy aylanmalarni bartaraf etish, Xavfsiz turizmni taʼminlash, Zamonaviy texnologiyalardan foydalanish, transport obyektlari va ularga tutash hududlarda jamoat xavfsizligini taʼminlash hamda hududlarga zamonaviy video kuzatuv kamerlar oʻrnatish yuzasidan masʼul xodimlarga koʻrsatmalar berildi.
Shuningdek, vazir oʻrinbosari tomonidan Toshkent mintaqasidagi boshqarma xizmat hududlarida yoʻlovchi poyezdlar orqali mamlakatimizga tashrif buyurayotgan mehmonlar hamda chet el turist fuqarolarining sayyohlik namoyishi obyektlari hududlariga eltuvchi poyezdlarda jamoat tartibini saqlash, huquqbuzarliklarni barvaqt oldini olish va sayyohlarning mamnun kayfiyati, yuzaga kelgan muammolarda boshqarma xodimlarining tezkorlik bilan hal etilishi borasida bir qator vazifalar belgilandi.
IIV Transport va turizm obyektlarida xavfsizlikni taʼminlash departamenti Axborot guruhi