Toshkent viloyati IIBBda aholi murojaatlarini oʻrganish maqsadida IIBB boshligʻining qabuli oʻtkazildi
2025-04-28 10:50:00 / Yangiliklar
27-aprel kuni Toshkent viloyati IIBB boshligʻi, general mayor Tohir Aripovning fuqarolar bilan shaxsiy qabuli boʻlib oʻtdi.
Ushbu uchrashuv aholining ichki ishlar organlariga oid masalalari, jumladan, tergov-surishtiruv, yoʻl harakati xavfsizligi, huquqbuzarliklar profilaktikasi kabi yoʻnalishlardagi murojaatlarini tinglash va ularni hal etishga qaratildi.
Tadbir Toshkent viloyati IIBB maʼmuriy binosida ochiq muloqot tarzida tashkil etildi. Qabul davomida har bir murojaat tegishli masʼullar ishtirokida atroflicha muhokama qilinib, ularni ijobiy hal etish boʻyicha topshiriqlar berildi.
Bu kabi uchrashuvlar fuqarolarning murojaatlariga bevosita yechim topish, ularning muammolarini tezkor hal qilishga xizmat qiladi.
Toshkent viloyati IIBB Axborot xizmati