Qashqadaryo viloyati IIB sohaviy xizmatlari xodimlariga “Cobalt” rusumli maxsus jihozlangan avtomashinalar tantanali ravishda topshirildi
2025-06-07 16:30:00 / Yangiliklar
Ichki ishlar vazirligi tomonidan viloyat ichki ishlar organlari xodimlarining biriktirilgan hududlarda huquqbuzarliklar va jinoyatlarni oldini olish, jamoat tartibini saqlash, fuqarolar xavfsizligini taʼminlash ishlarida tezkorlikni taʼminlash,voqea joyiga tezkor yetib borish va jinoyatchilar ashyoviy-dalillarni yoʻqotmasdan olish maqsadida muntazam ravishda moddiy-texnika taʼminotini yaxshilanmoqda. Jumladan, ichki ishlar vazirligi tomonidan bir qancha “Cobalt” rusumli maxsus jihozlangan xizmat avtomashinalar ajratildi.
Viloyat ichki ishlar boshqarmasi boshligʻi, polkovnik Abduvoxid Ismoilov xizmatda foydalanish uchun mazkur avtomashinalarni boshqarma jamoat xavfsizligi xizmati Jamoat tartibini saqlash boshqarmasi Patrul-post xizmati batalyoni xodimlariga maxsus jihozlangan “Cobalt” rusumli avtomashinalar kalitlarini tantanali ravishda topshirdi.
Bundan tashqari, viloyatda huquqbuzarliklar va jinoyatlarni oldini olish, sodir etilganlarini fosh etishda namunali xizmati bilan hamkasblariga oʻrnak boʻlayotgan, bir guruh xodimlar qimmatbaho sovgʻalar va pul mukofoti bilan taqdirlandi.
Bunday ragʻbatlantirishlar ichki ishlar organlari xodimlarning Vatanga va xalqqa, Prezidentga sadoqat bilan xizmat qilishiga zamin hozirlaydi, albatta.
Qashqadaryo viloyati IIB Axborot xizmati