Surxondaryoda oʻtkazilayotgan “Donorlik aksiyasi”da IIO xodimlari faol ishtirok etmoqda
2025-06-07 16:35:00 / Yangiliklar
Mamlakatimiz boʻylab “Bor mehrimiz senga, bolajon!” shiori ostida oʻtkazilayotgan xayriya donorlik aksiyasi doirasida, koʻplab yurtdoshlarimiz qatori Surxondaryo viloyati ichki ishlar organlari tizimlarida xizmat olib borayotgan xodimlar ham saxovatli tashabbusda faol ishtirok etishmoqda.
Joriy yilning 4-iyun kuni Surxondaryo viloyati Ichki ishlar boshqarmasi Maʼnaviy-maʼrifiy ishlar va kadrlar bilan taʼminlash xizmati hamda viloyat qon quyish markazi hamkorligida tashkil etilgan ushbu aksiya doirasida xodimlar koʻngilli tarzda donorlikka hissa qoʻshishdi.
Donorlik jarayoni tibbiy nazorat ostida tashkil etilib, avvalo qon topshirish istagini bildirgan xodimlar chuqur tibbiy koʻrikdan oʻtkazilgan holda “Donor”lardan qon olinmoqda.
Ushbu xayrli tashabbus nafaqat bemor bolajonlarga yordam, balki sogʻlom turmush tarziga intilayotgan xodimlarning sogʻligi uchun ham muhim ahamiyat kasb etadi.
Ushbu donorlik aksiyasi 2025-yil 13-iyun kuniga qadar davom etadi, oʻtkazilayotgan donorlik aksiyasida faol ishtirok etishlaringizni tavsiya qilamiz!
Surxondaryo viloyati IIB Axborot xizmati