Dolzarb 90 kunlik va yoshlar oyligi doirasida IIV Qorovul qoʻshinlariga qarashli Andijon viloyatida joylashgan 7553-harbiy qismda yoshlar uchun “Ochiq eshiklar“ kuni tashkil etildi
2025-06-16 10:00:00 / Yangiliklar
Mamlakatimizda keng tarzda oʻtkazilayotgan Dolzarb 90 kunlik hamda yoshlar oyligi doirasida Andijon shahridagi IIV Qorovul qoʻshinlariga qarashli
7553-harbiy qismga viloyat Tibbiyot texnikumi talabalari va jamoatchilik vakillaridan jami 30 nafarga yaqin yoshlar tashrif buyurishdi.
Harbiy qism bilan tanishuv davomida mutaxassislar tomonidan yoshlarga boʻlinmada yaratilgan shart-sharoitlar, maxsus va harbiy texnikalar, qurol-aslaha, kiyim kechak, kinologiya hamda, boshqa xizmatlarning mavjud imkoniyat hamda xususiyatlari haqida keng va atroflicha maʼlumotlar yetkazildi, shuningdek, maxsus vzvod chiqishlari va harbiy texnikalar namoyishi ham yoshlarda oʻzgacha taassurot uygʻotdi.
Bir soʻz bilan aytganda, ushbu tashrif, yoshlar qalbida ona vatanga sadoqat, jasorat va fidoyilik gʻoyalarini chuqur singdirgan holda, ularda harbiy sohaga nisbatan yaxshi taassurot uygʻotganligini taʼkidlash joizdir.
Dolzarb 90 kunlik va Yoshlar oylik doirasida tadbirlar qoʻshin miqyosidagi harbiy qism va boʻlinmalarda davom etmoqda.
IIV Qorovul qoʻshinlari qoʻmondonligi Axborot guruhi