Ishonch va imkoniyat. Xodimlarning farzandlariga imtiyozli tavsiyanomalar topshirildi
2025-06-21 23:00:00 / Yangiliklar
Ichki ishlar organlari xodimlari va ularning oila aʼzolarini ijtimoiy qoʻllab-quvvatlash maqsadida, yaqinda Navoiy viloyati IIB tizimida xizmat qilayotgan xodimlardan 95 nafarining farzandlariga oliy taʼlim muassasalariga oʻqishga kirishlari uchun imtiyozli tavsiyanomalar topshirildi.
Tizimdagi koʻp yillik xizmatim yuqori baholanib, bugun oʻgʻlim oliy oʻquv yurtiga oʻqishga kirishi uchun tavsiyanomaga ega boʻldi.
Bu esa uning tanlagan sohasi boʻyicha malakali mutaxassis boʻlishi yoʻlida berilgan imkoniyatdir, — deydi podpolkovnik Mirmuhsin Nurmuhammedov.
Gulnoza Ibodullayeva ham imtiyozli tavsiyanomani qoʻlga kiritgan umidli yoshlardan. Necha yildirki, u huquqshunos bolishni orzu qiladi.
Hozirda sohaga oid fanlarni chuqur oʻrganib, davlat test sinovlariga puxta tayyorlanmoqda.
Berilgan imtiyozdan samarali foydalanib, kelajakda yetuk kadr boʻlib, yurtimizda qonun ustuvorligiga munosib hissa qoʻshaman, oʻzimga bildirilgan ishonchni oqlayman, — deydi kapitan Sanjar Amonovning qizi Gulnozaxon.
— Otam ayni paytda Navoiy shahar IIB JXX HPB profilaktika katta inspektori lavozimida faoliyat olib boradilar.
Qariyb 20-yildan buyon yurt tinchligi va osoyishtaligini taʼminlash yoʻlida xizmat qiladilar.
Ularning timsolida fidoyilik, jasorat namunasini koʻrib ulgʻaydim. Men otam bilan faxrlanaman.
©️ “Postda” gazetasi, Mahliyo Xolova, Navoiy viloyati.