Andijon viloyati IIB rahbariyati oʻquvchi-yoshlar bilan uchrashuv oʻtkazdi
2025-06-24 09:00:00 / Yangiliklar
Prezidentimiz tashabbusi bilan oʻquvchi-yoshlarning yozgi taʼtil davrini mazmunli tashkil etish maqsadida “Dolzarb 90 kun” loyihasi amalga oshirilmoqda.
Ushbu yoʻnalishda berilgan topshiriqlar ijrosi yuzasidan Andijon viloyati IIB boshligʻi polkovnik Sanjar Djabarov Andijon shahridagi umumtaʼlim maktablarining oʻquvchi-yoshlari bilan ochiq muloqot uchrashuvini oʻtkazdi.
Muloqot avvalida, ayrim oʻquvchi-yoshlar tomonidan sodir etilgan jinoyat va huquqbuzarlik holatlari, ularga sabab boʻlgan omillar tahlillar asosida hayotiy misollar yordamida yetkazildi.
Uchrashuv davomida aksariyat yoshlar tomonidan bildirilgan takliflardan kelib chiqib, turli fanlar va chet tillarini oʻrganish boʻyicha bepul oʻquv-kurslari tashkil etiladigan boʻldi.
Shuningdek, yozgi taʼtil davomida oʻquvchi yoshlarni hunarga yoʻnaltirish, ularni foydali mashgʻulotlar bilan band etish boʻyicha ham murojaatlari tinglanib, ularni hal etish choralari koʻrildi.
Tashkil etilgan bu kabi uchrashuvlar yoshlar oʻrtasida huquqbuzarlik va jinoyatchilikning oldini olish, ularning huquqiy ongi va huquqiy madaniyatini oshirishga xizmat qilishi bilan ahamiyatlidir.
Andijon viloyati IIB Axborot xizmati