Yoshlar oyligi. Bilimdonlar — gʻolib
2025-06-24 23:00:00 / Yangiliklar
Urganch shahridagi “Yoshlar markazi”da huquqni muhofaza qiluvchi organlarning yosh xodimlari va harbiy xizmatchilari ishtirokida “Ajdodlar izidan” intellektual oʻyinining hududiy bosqichi boʻlib oʻtdi.
Oʻzbekiston yoshlar ittifoqi viloyat kengashi hamda Yoshlar ishlari agentligining viloyat boshqarmasi hamkorligida oʻtkazilgan mazkur tadbirda 6 ta jamoa ishtirok etib, oʻz salohiyatlarini namoyish qilishdi.
Bellashuvning yakuniy natijalariga koʻra viloyat IIB jamoasi hududiy bosqich gʻolibi deb topildi.
Shuningdek, viloyat bojxona boshqarmasi hamda IIV huzuridagi JIED 6-Mintaqaviy hudud 11-tergov hibsxonasi jamoalari esa ikkinchi va uchinchi oʻrinlarni egallashdi.
Gʻolib va sovrindorlar diplom hamda kitoblar jamlanmasi bilan taqdirlanishdi.
©️ “Postda” gazetasi, Xudoybergan Jabborov. Xorazm viloyati