Samarqand viloyatining barcha tuman va shaharlarida milliy qadriyatlar va urf-odatlarni targ‘ib etishga qaratilgan “Xalq ijodiyoti karvoni” loyihasiga start berilgan edi. 

 

Unga ko'ra, Samarqand viloyatining tumanlarida konsert-tomosha dasturlari doirasida Qoraqalpog‘iston Respublikasi, viloyatlar va Toshkent shahridagi Xalq havaskorlik unvoniga ega bo‘lgan folklor-etnografik jamoalar hamda ashula va raqs ansambllarining milliy qadriyatlarimiz va urf-odatlarimiz targ‘ibotlariga qaratilgan qiziqarli musiqiy dasturlar tashkil etilmoqda.

 

Ushbu loyiha doirasida Samarqandning Narpay tumani aholisi uchun Andijon va Jizzax viloyatlarining folklor-etnografik jamoalari, ashula va raqs ansambllari ishtirokida konsert dasturlari namoyish etildi.

 

Ma'lumot o'rnida, Samarqand viloyatining barcha tumanlarida “Xalq ijodiyoti karvoni” loyihasi noyabr-dekabr oylari davomida bo'lib o'tadi.