Vazirlik xodimlari uchun seminar-trening o‘tkazildi
2025-03-12 10:00:00 / Yangiliklar
Kuni kecha Madaniyat vazirligida Davlat xizmatini rivojlantirish agentligi vakillari ishtirokida seminar-trening o‘tkazildi.
Unda, vazir o‘rinbosari Yusufjon Usmonov, vazirlikning markaziy apparat vakillari hamda Davlat xizmatini rivojlantirish agentligi vakillari ishtirok etishdi.
Mazkur seminar-treningda 2025-yilning 1-iyuliga qadar vazirlik va tashkilotlar markaziy apparatlarida namunaviy yo‘riqnomaga muvofiq inson resurslarini rejalashtirish tizimini joriy etishi lozimligi belgilanganligi tushuntirildi.
Shuningdek, vazirlikning markaziy apparat vakillari Davlat organlarida inson resurslarini rejalashtirish bo‘yicha namunaviy yo‘riqnoma bilan tanishtirilib, yo‘riqnoma yuzasidan taklif va tavsiyalar so‘raldi.