Byudjet mablag‘larining maqsadli sarflanishi nazorat qilib borilmoqda.

 

O‘zbekiston Respublikasi Madaniyat vazirligi Ichki audit bo‘limi tomonidan byudjet va byudjetdan tashqari mablag‘larning maqsadli sarflanishini ta’minlash yuzasidan bir qator ishlar olib borilmoqda.

 

Jumladan, 2025-yilning I-choragida 4 tashkilotda o‘tkazilgan nazorat tadbirlarida jami 295,9 mln.so‘mlik moliyaviy xato va kamchiliklarga yo‘l qo‘yilganligi aniqlanib, bartaraf etilishi ta’minlandi.

 

Ushbu kamchiliklarga yo‘l qo‘ygan 1 nafar xodim bilan mehnat shartnomasi bekor qilinib, 1 ta holatda hujjatlar huquqiy baho berish uchun O‘zbekiston Respublikasi Bosh prokuraturasiga yuborildi.

 

Kelgusida bunday xato va kamchiliklar takrorlanishining oldini olish maqsadida mas’ul xodimlarga normativ-huquqiy hujjatlar mazmun-mohiyati, talablari tushuntirilib, tegishli ko‘rsatmalar berib borilmoqda.

 

Ichki audit bo‘limi