O‘zbekiston Respublikasi Madaniyat vazirligi

Madaniyat vazirning birinchi o‘rinbosari Avazxon Tadjixanov Madaniyat ta’limi markazi faoliyati bo‘yicha tayyorlangan taqdimot bilan tanishdi.

 

O‘zbekiston Respublikasi Prezidentining tegishli Farmoni bilan Madaniyat vazirligi huzurida tashkil etilgan “Madaniyat ta’limi markazi” davlat muassasasining 2025-yil fevral-aprel oylarida amalga oshirilgan ishlari yuzasidan Markaz direktori A.Djamaldinovning ilk hisoboti o‘tkazildi.

 

Hisobotda Markaz faoliyatini tashkil etish, madaniyat va san’at ta’lim tashkilotlarida o‘quv-metodik ta’minotni yaxshilash, ta’lim sifati va samaradorligini oshirish, malaka talablarini takomillashtirish, ta’lim jarayoniga innovatsion texnologiyalarni joriy etish, manfaatdor tashkilotlar bilan hamkorlik, xalqaro loyihalar bo‘yicha amalga oshirilgan ishlar taqdimot qilindi.

 

Shuningdek, taqdimotda madaniyat ta’limini rivojlantirish, ta’lim tashkilotlarida ta’lim sifati va samaradorligini oshirish, xalqaro ilg‘or tajribalar asosida takomillashtirish, o‘quv jarayonlariga kreativ ta’lim, raqamli texnologiyalar va innovatsiyalarni joriy etish, iste’dodli yoshlarni aniqlash, normativ-huquqiy hujjatlar loyihalarini ishlab chiqish bo‘yicha takliflar bildirildi.

 

Madaniyat ta’limi markazining takliflari vazirning birinchi o‘rinbosari Avazxon Tadjixanov tomonidan qo‘llab-quvvatlanib, kelgusida ta’lim sohasini yanada rivojlantirish bo‘yicha bir qator topshiriq va tavsiyalar berildi.