Vazirlikda “Ijro.gov.uz” tizimi orqali nazoratga olingan qonunlar, O‘zbekiston Respublikasi Prezidentining Farmon, qaror, farmoyish va topshiriqlar ijrosi natijalari tahlil qilindi
2025-06-12 16:30:00 / Yangiliklar
Bugun, 12-iyun kuni Madaniyat vazirligida “Ijro.gov.uz” tizimi orqali nazoratga olingan qonunlar, O‘zbekiston Respublikasi Prezidentining Farmon, qaror, farmoyish va topshiriqlar ijrosi natijalari yuzasidan yig‘ilish bo‘lib o‘tdi.
Unda, Vazirlar Mahkamasining Ijtimoiy rivojlanish masalalari bo‘limi boshlig‘i Rustam Azimov, madaniyat vaziri o‘rinbosari Murodjon Majidov hamda vazirlikning boshqarma va bo‘lim boshliqlari ishtirok etishdi.
Yig‘ilish davomida, Madaniyat vazirligiga 2025-yil iyun oyida “Ijro.gov.uz” tizimi orqali nazoratga olingan qonunlar, O‘zbekiston Respublikasi Prezidentining Farmon, qaror, farmoyish va topshiriqlar ijrosi natijalari to‘g‘risida hamda O‘zbekiston Respublikasi Prezidenti huzurida 2025-yilning 17-mart, 27-mart, 9-aprel va 18-aprel kunlari o‘tkazilgan majlislarda berilgan topshiriqlar ijrosi tahlil qilindi.
Shuningdek, vazirlikning birinchi yarim yilligida “Ijro.gov.uz” tizimidagi topshiriqlar bilan ishlash samaradorligi hamda ijro intizomini mustahkamlash bo‘yicha takliflar ko‘rib chiqildi.
Shu bilan birga, yo‘l qo‘yilgan tizimli kamchiliklar va ularni bartaraf etish bo‘yicha ko‘riladigan amaliy choralar haqida ma’lum qilindi.