Qoraqalpog‘iston Respublikasidagi madaniyat muassasalari faoliyati o‘rganildi
2025-06-13 20:00:00 / Yangiliklar
O‘zbekiston Respublikasi Madaniyat vaziri o‘rinbosari Yusufjon Usmonov 12-13-iyun kunlari xizmat safari bilan Qoraqalpog‘iston Respublikasida bo‘ldi.
Safar davomida vazir o‘rinbosari Qoraqalpog‘iston Respublikasi Madaniyat vaziri Begis Temirbayev bilan birgalikda Qo‘ng‘irot, Amudaryo tumanlaridagi madaniyat markazlari, jumladan ushbu tumanlarda davlat xususiy sherikchiligi asosida tadbirkorlarga berilgan madaniyat markazlari faoliyatini o‘rganib, tadbirkorlar bilan suhbatlashdi.
Shuningdek, Xo‘jayli tumanidagi 4-son bolalar musiqa va san’at maktabi, O‘zbekiston davlat Konservatoriyasi Nukus filiali yangi binosi va O‘zbekiston davlat san’at va madaniyat instituti Nukus filialining yotoqxona qurilishi ishlari bilan yaqindan tanishdi. Qoraqalpoq davlat Qo‘g‘irchoq teatrida amalga oshirilgan qurilish ishlariga oid masalalar bilan ham tanishib, joylarga o‘rganishlar davomida yuzga kelgan muammolarni hal qilish yuzasidan mutasaddilarga topshiriqlar berildi.