“Samarqandga yo‘l olgan eshelon” romani muallifi, yozuvchi Guzel Yaxina bilan uchrashuv bo‘lib o‘tdi
2025-06-14 14:00:00 / Yangiliklar
Bugun, 14-iyun kuni Madaniyat vazirligida vazirning birinchi o‘rinbosari Avazxon Tadjixanov “Samarqandga yo‘l olgan eshelon” romani muallifi, yozuvchi Guzel Yaxinani qabul qildi.
Uchrashuvda, vazirlik huzuridagi Kinematografiya agentligi direktori Shuhrat Rizayev ham ishtirok etdi.
Uchrashuv davomida, yozuvchi Guzel Yaxinaning “Samarqandga yo‘l olgan eshelon” romani asosida Buyuk Britaniyaning “New State Pictures Ltd” studiyasi bilan hamkorlikda ishlab chiqarilishi rejalashtirilayotgan “Eshelon Samarqandga boradi” badiiy filmining suratga olinishi jarayonlari, rejalari haqida ma’lum qilindi.
Ma’lumot uchun: Guzel Yaxinaning "Samarqandga eshelon" kitobi real voqealarga asoslangan bo‘lib, 1923-yildagi dahshatli ochlik davridagi yashab qolish uchun kurash haqida hikoya qilib, qalblarni chuqur larzaga soladi. Bu eshelon boshlig‘i Deyev va komissar Belaya besh yuz nafar yetim bolani Qozondan olis va fayzli non poytaxti Samarqandga olib ketishga urinishi, ularga yangi hayotga umid berishi haqidagi hikoyadir.