Hokim "Maqomni birga kuylaymiz" nomli maqom kechasida ishtirok etdi
2025-06-16 12:00:00 / Yangiliklar
Kuni kecha Toshkent viloyatining Nurafshon shahrida joylashgan G‘alaba bog‘ida Madaniyat boshqarmasi tomonidan "Maqomni birga kuylaymiz" nomli maqom kechasi tashkil etildi.
Ushbu jonli ijrodagi konsert dasturida Yunus Rajabiy nomidagi Respublika maqom ansambli, O‘zbek milliy maqom san’ati markazi Toshkent viloyati bo‘linmasi hamda O‘zbek milliy maqom san’ati markazi Qashqadaryo viloyati bo‘linmalari tomonidan tayyorlangan eng sara maqom durdonalari ijro etildi.
Konsert dasturida Toshkent viloyati hokimi Zoyir Mirzayev hamda O‘zbekiston xalq artisti, Yunus Rajabiy nomidagi Respublika maqom ansambli badiiy rahbari Abduhoshim Ismoilov, viloyat faollari, nuroniylar va keng jamoatchilik vakillari ishtirok etdi.