O‘zbekiston Respublikasi Madaniy meros agentligi

Buxoro shahrida o‘tkazilayotgan Buxoro biennalesi doirasida ekologik yo‘nalishdagi noyob san’at installyatsiyasi yaratilmoqda.

Mashhur rassom Saule Suleimenova hamda “Shiru-Shakar” ansambli bilan hamkorlikda amalga oshirilayotgan ushbu loyiha shahardagi polietilen chiqindilaridan tayyorlanmoqda. Mazkur san’at asari nafaqat estetik go‘zallik baxsh etadi, balki atrof-muhit muhofazasiga ham o‘z hissasini qo‘shadi.

Fuqarolarimizni ushbu ezgu tashabbusda ishtirok etishga chorlaymiz.
Agar sizda toza, foydalanilgan polietilen materiallar mavjud bo‘lsa, Buxoro shahrida mehmon bo‘lib turgan yoki istiqomat qilayotgan bo‘lsangiz ularni quyidagi manzillarga topshirishingiz mumkin:

Polietilen materiallar qabul qilinadigan joylar:
 1. Nasriddin Afandi haykali yonida
 2. Toqi Sarrafon savdo arkasi
 3. Toqi Telpakfurushon savdo arkasi

Har bir topshirilgan chiqindi bu san’atga qo‘shilgan hissadir.
Ushbu loyiha orqali nafaqat ekologik muammolarga e’tibor qaratiladi, balki Buxoroning tarixiy makonlari zamonaviy san’at bilan uyg‘unlashadi.

Keling, birgalikda san’at va tabiatni asrash yo‘lida ijobiy iz qoldiraylik!