Yevrokodlarni joriy etish bo'yicha xalqaro seminar-trening boshlandi
2025-05-28 17:30:00 / Vazirlik yangiliklar
Bugun poytaxtimizda Qurilish va uy-joy kommunal xo'jaligi vazirligi huzuridagi Texnik me'yorlash va standartlashtirish ilmiy-tadqiqot instituti xodimlari uchun navbatdagi seminar trening o'z ishini boshladi.
28-30-may kunlari o'tkazilishi reja qilingan anjumanning ilk kunida TAIEX ekspertlari Ruminiyaning ASRO tashkiloti vakillari — Kristina Popa hamda Sperantsa Shtomf xonimlar, shuningdek, Italiyaning Turin Politexnika Universiteti professorlari — Gabriele Bertagnoli, Fabio Di Trapani va Sebastiano Foti ishtirok etdi.
Tadbir davomida yevrokodlarning ahamiyati, ularning amaliy qo'llanilishi, qurilish normalari va standartlari tizimiga integratsiyalashuvi bo'yicha keng qamrovli tushunchalar berildi hamda muhokamalar o'tkazildi.
Mazkur tadbir Yevropa Ittifoqi tomonidan moliyalashtirilayotgan TAIEX INTPA — “Technical Assistance and Information Exchange Instrument for International Partnerships” grant loyihasi doirasida tashkil etilmoqda. Loyiha doirasida O‘zbekistonda Yevrokodlarni implementatsiya qilish (joriy etish) yuzasidan Yevropa Ittifoqiga a’zo davlatlardan ekspertlar yurtimizga tashrif buyurgan.