Hududlarida ko‘p kvartirali uylar atrofini obodonlashtirish, muhandislik tizimlarini ta’mirlash va aholi uchun qulay shart-sharoitlar yaratishga doir ishlar
2025-06-04 15:00:00 / Vazirlik yangiliklar
Xabar berib kelayotganimizdek, yurtimizning barcha hududlarida ko‘p kvartirali uylar atrofini obodonlashtirish, muhandislik tizimlarini ta’mirlash va aholi uchun qulay shart-sharoitlar yaratish bo‘yicha ishlar bosqichma-bosqich amalga oshirilmoqda. Jumladan:
Jizzax viloyati
“Yangi Davr Sari GOLD” MCHJ boshqaruv servis kompaniyasi hamda buyurtmachi — Jizzax viloyati hokimligi huzuridagi “Yagona buyurtmachi xizmati” IK DUK tomonidan “Qassoblik” mahallasidagi ko‘p kvartirali uyning tom qismi va fasadida ta’mirlash ishlari olib borilmoqda.
Surxondaryo viloyati
Viloyatdagi boshqaruv servis kompaniyalari mas’ullari tomonidan ko‘p qavatli uylar atrofi turli chiqindilardan tozalandi, hududda obodonlashtirish ishlari amalga oshirilmoqda. Shu bilan birga, ko‘p qavatli uylarning tom qismlari texnik ko‘rikdan o‘tkazilib, kanalizatsiya tarmoqlari ham ta’mirlanmoqda.
Qashqadaryo viloyati
Qarshi shahridagi “Lochin-Sanjar” MCHJ boshqaruv servis kompaniyasiga qarashli 6-mikrotumandagi 1/12-sonli ko‘p qavatli uyning fasadi joriy ta’mirdan chiqarildi.
Buxoro viloyati
“Muhammadjon Nozima ta’mir qurilish” boshqaruv servis kompaniyasi tomonidan hududdagi ko‘p kvartirali uylarga yondosh bolalar maydonchalari tartibga keltirilmoqda va ta’mirlanmoqda.