O‘zbekiston Respublikasining “Tashqi iqtisodiy faoliyat to‘g‘risida”gi Qonunning 23-moddasiga muvofiq, Xorijiy davlat tomonidan O‘zbekiston Respublikasining va tashqi iqtisodiy faoliyat sub’yektlarining iqtisodiy manfaatlarini buzuvchi choralar qabul qilingan taqdirda, shuningdek ushbu davlat xalqaro shartnomalarga ko‘ra O‘zbekiston Respublikasi oldida qabul qilgan o‘z majburiyatlarini bajarmagan taqdirda, O‘zbekiston Respublikasi xalqaro huquqning umume’tirof etilgan normalari va prinsiplariga muvofiq tashqi iqtisodiy faoliyat sohasida javob choralarini kiritishga haqlidir (https://lex.uz/docs/67345).

Ushbu Qonunning 24-moddasiga asosan, Tovar importining ko‘payganligiga nisbatan O‘zbekiston Respublikasi Vazirlar Mahkamasining qaroriga binoan muhofaza choralari qo‘llanilishi mumkin.

Tovar importida iqtisodiyot tarmog‘iga yetkazilayotgan jiddiy zararni yoki jiddiy zarar yetkazilishi xavfini bartaraf etish uchun muhofaza choralari, antidemping va kompensatsiya bojlari qo‘llanilishi sohasidagi munosabatlar O‘zbekiston Respublikasining “Muhofaza choralari, antidemping va kompensatsiya bojlari to‘g‘risida”gi Qonuni bilan tartibga solinadi (https://lex.uz/docs/62843).

Muhofaza choralari, antidemping va kompensatsiya bojlarini qo‘llanish maqsadida tekshirish o‘tkazish tartibi O‘zbekiston Respublikasi Vazirlar Mahkamasining 19.05.2005 yildagi 129-son qarori bilan tasdiqlangan Nizom bilan belgilangan (https://lex.uz/uz/docs/598068).