“Zarmitan konining quyi gorizontlarini oʻzlashtirish” investitsion loyihasi doirasida “Skipli” shaxta stvolining ochilish marosimi o‘tkazildi
2025-04-30 17:45:00 / Yangiliklar
2025-yil 30-aprel kuni Samarqand viloyati Qoʻshrabot tumanidagi Janubiy kon boshqarmasi konlari maydonida amalga oshirilgan “Zarmitan konining quyi gorizontlarini oʻzlashtirish” investitsion loyihasi doirasida Oʻzbekiston Respublikasi konchiligi tarixida yagona – chuqurligi 1000 metr bo‘lgan “Skipli” shaxta stvolining ochilish marosimi bo‘lib o‘tdi.
Tantanali ochilish marosimida vazir o‘rinbosari U.Yusupov, “NKMK” AJ boshqaruvi raisi Q.Sanaqulov, kombinat korxonalarining rahbarlari, Mine Construction Alliance s.r.o. kompaniyasi vakillari, OAV xodimlari, nuroniylar va mehnat faxriylari ishtirok etdi.
Mazkur loyiha doirasida diametri 6,5 metr boʻlgan Skipli stvol chuqurligi 1 000 metrga yetkazildi.
Muhandislik-qurilish, innovatsiya va raqamli yechimlari bilan noyob hisoblangan shaxta stvoli ishga tushirilishi maʼdan tashish unumdorligini oshirish, xarajatlarni kamaytirish bilan birga 90 ta yangi ish oʻrni yaratish imkonini berdi. Undan keladigan yillik iqtisodiy samaradorlik 19,2 mlrd. soʻmni tashkil qiladi.