Yer osti suvlarini muhofaza qilish va noqonuniy quduq burg'ilaganlik uchun javobgarlikni kuchaytirishga oid Qonun loyihasi Senatning yalpi majlisida ko‘rib chiqildi
2025-05-01 14:35:00 / Yangiliklar
Yalpi majlisda so‘nggi yillarda mamlakatimizda yer va suv resurslarini muhofaza qilishga qaratilgan izchil islohotlar amalga oshirilayotgani, yer osti suvlarini yerlarni sug‘orish va boshqa maqsadlar uchun olish keskin o‘sganligi, quduqlarni ruxsatsiz burg‘ilash va suvlardan nazoratsiz, hisobga olmasdan foydalanish hollari davom etayotganligi sababli yer osti suv resurslarini muhofaza qilish choralarini kuchaytirish zarurligi ta’kidlandi.
Qonun loyihasi bilan “Litsenziyalash, ruxsat berish va xabardor qilish tartib-taomillari to‘g‘risida”gi Qonunga yer osti suvlariga quduqni burg‘ilash uchun ruxsatnoma berish o‘rniga yer osti suvlariga quduqlarni burg‘ilash faoliyatiga ruxsatnoma berish tartibini joriy etish, Soliq kodeksiga yer osti suvlaridan foydalanuvchilar tomonidan suvni hisobga olish vositalarisiz suv olinganida soliq to‘lovini belgilangan soliq stavkasining besh baravari miqdorida undirish nazarda tutilmoqda.
Muhokama yakunida Qonun senatorlar tomonidan maʼqullandi.