“Jamiyat barqarorligiga tahdid soluvchi radikal g‘oyalar va ularning oldini olish yo‘llari” mavzusidagi davra suhbati bo‘lib o‘tdi
2025-05-01 15:15:00 / Yangiliklar
2025-yil 1-may kuni Tog‘-kon sanoati va geologiya vazirligi markaziy apparati hamda tizimosti korxonalar rahbarlari ishtirokida “Jamiyat barqarorligiga tahdid soluvchi radikal g‘oyalar va ularning oldini olish yo‘llari” mavzusidagi davra suhbati o‘tkazildi.
Tadbirda Din ishlari bo‘yicha qo‘mita mas’ul xodimi Z.Sultonov ma’ruza qildi. Ma’ruzachi xavfli diniy oqimlar, ularning kelib chiqish tarixi va xususiyatlari haqida batafsil ma’lumot berdi.
Globallashuv sharoitida hamda xalqaro va mintaqaviy mojarolar transformatsiyasi davom etayotgan bir paytda, ekstremizm va terrorizmga qarshi samarali kurashish masalasi kun tartibidagi dolzarb mavzulardan biri bo‘lib qolayotganligini ta’kidladi.
Shuningdek, tadbirda Din ishlari bo‘yicha qo‘mita vakili ishtirokchilarni qiziqtirgan savollarga javob berdi.