“Shaxta ko‘tarish qurilmalarining xavfsizligi to‘g‘risidagi texnik reglamentni tasdiqlash haqida” Hukumat qarori qabul qilindi
2025-05-02 15:45:00 / Yangiliklar
O‘zbekiston Respublikasi Prezidentining “O‘zbekiston texnik jihatdan tartibga solish agentligining faoliyatini tashkil etish chora-tadbirlari to‘g‘risida” 2024-yil 28-fevraldagi PQ-91-son qarori ijrosini ta’minlash, shuningdek, shaxta ko‘tarish qurilmalarining xavfsizligiga qo‘yiladigan talablarni takomillashtirish maqsadida Vazirlar Mahkamasining “Shaxta ko‘tarish qurilmalarining xavfsizligi to‘g‘risidagi texnik reglamentni tasdiqlash haqida” 269-son qarori qabul qilindi (https://lex.uz/docs/-7501727).
Hujjat bilan shaxta ko‘tarish qurilmalari xavfsizligiga quyiladigan talablar, ularni qadoqlash, tamg‘alash, identifikatsiya qilish hamda muvofiqligini baholash tartibini nazarda tutuvchi Shaxta ko‘tarish qurilmalarining xavfsizligi to‘g‘risidagi texnik reglament hamda mazkur reglamentni joriy etish sxemasi tasdiqlangan.
Texnik reglamentda belgilab berilgan talablar ishlab chiqarish jarayonlarida, qolaversa atrof-muhit va odamlar xavfsizligini taʼminlashda muhim ahamiyatga ega.
Texnik reglament rasmiy e’lon qilingan kundan boshlab olti oy o‘tgach amalga kiritiladi.