O‘zbekiston Respublikasi Tog‘-kon sanoati va geologiya vazirligi

Tadbirda Tog‘-kon sanoati va geologiya vazirligi ijro apparati hamda 20 dan ortiq tizimosti korxonalari boshqarma va bo‘lim rahbar xodimlari ishtirok etdi. 

Kon-geologiya vaziri maslahatchisi M.Pirojkov yig‘ilish ishtirokchilariga vazirlikda korrupsiyaga qarshi kurashish sohasida amalga oshirilayotgan ishlar to‘g‘risida maʼlumot berib o‘tdi.

Xususan, joriy yilning mart oyida O‘zbekiston Respublikasi Korrupsiyaga qarshi kurashish agentligi 2024 yil yakunlari bo‘yicha davlat organlari va tashkilotlarining korrupsiyaga qarshi kurashish samaradorligini reyting baholash natijalarini eʼlon qilingani, baholash natijalariga ko‘ra, Kon-geologiya vazirligi 102 davlat tashkilotlari orasida 95 ball to‘plab, ushbu reytingda 2-o‘rinni olganligi taʼkidlab o‘tildi.

Shuningdek tadbirda O‘zbekiston Respublikasi Bosh prokuraturasining Korrupsiyaga qarshi kurashish sohasidagi chora-tadbirlarni muvofiqlashtirish boshqarmasi prokurori, yuridik fanlari nomzodi (PhD) I.Achilov “O‘zbekistonda korrupsiyaga qarshi kurashish mexanizmlari va uning huquqiy asoslari” mavzusida maʼruza qildi.

Shu bilan birga Korrupsiyaga qarshi kurashshish sohasiga oid normativ hujjatlar, xususan O‘zbekiston Respublikasi Prezidentining “Korrupsiyaga qarshi kurashish tizimini yana-da takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida” 2025-yil 21-apreldagi PF-71-son Farmoni hamda “Davlat organlari va tashkilotlarining korrupsiyaga qarshi ichki nazorat bo‘linmalari mustaqilligini taʼminlash hamda faoliyati samaradorligini oshirish chora-tadbirlari to‘g‘risida” 2025-yil 21-apreldagi PQ-147-son qarori mazmun-mohiyatini tushuntirib o‘tdi.

O‘zaro savol-javoblar o‘tkazildi va ishtirokchilar o‘zlarini qiziqtirgan savollarga atroflicha javob oldilar.